Avannaa: Kattusseqatigiit Partiiat Siumullu imminnut qanillattorput
Avannaata kommunissaani suleqatigiinnissaq pillugu isumaqatigiinniarnissat nanginneqarnissaat, Kattusseqatigiit Partiiata Siumullu isumaqatigiissutigaat.
Skrevet af Louise M. Kleemann
Tamannalu tunngavigalugu partiinik allanik oqaloqatiginninnerit unitsinneqassasut isumaqatigiissutineqarpoq.
Kattusseqatigiit Partiiat Inuit Ataqatigiillu Ilulissani kommunalbestyrelsimi suleqatigiipput, Kattusseqatigiit Partiiata siulittaasua Anthon Frederiksen borgmesteriutinneqarpoq, Bendt B. Kristiansenilu, Inuit Ataqatigiinneersoq, borgmesterip tulliatut siullertut inissisimalluni.
Suleqatigiinnerli Avannaata kommuuniani allanngortinniarneqarpoq, maannalu Kattusseqatigiit Partiiata aamma Siumup suleqatigiilernissaq siunertaralugu oqaloqatigiinneq aallartissimavaat.