Nakorsat isumaqatigiissuteqarput
Atorfilinnik allanik ullumikkut aamma isumaqatigiissuteqartoqarpoq.
Perorsaasut ippassaq isumaqatigiissuteqarput ullumikkullu nakorsat peqatigiiffiat nalunaarpoq, naalakkersuisunut ukiuni pingasuni atuuttussamik, nakorsanut nunatsinni atorfeqartunut 92-iusunut isumaqatigiissuteqarlutik.
Isumaqatigiissuteqarnikkut akissarsiat 9 procentimik qaffanneqassapput atorfeqartitaanermilu pitsanngoriaatit nakorsat taarseraappallaannginnissaannik aamma taartaasartut sivisunerusumik sulisorineqarsinnaanissaannik kinguneqarniartussaapput.
Taamaattorli isumaqatigiissutaagallartoq, nakorsat peqatigiiffiata ilaasortaanit naalakkersuisunillu akuerineqaqqaarallassaaq.