Pujortaqqusiunnaarnissaq kaammattuutiginiarpaat
Kikkut tamarmik ornittagaanni tamani pujortaqqusiunnaarnissap taasissutigineqarnissaa Inuusuttut Ataqatigiit suleqatigiiffiata kaammattuutigaa.
Skrevet af Louise M. Kleemann
Nunarsuarmi nunani arlaqalersuni sumiiffinni tamani inuit ornittagaanni pujortartarnermik inerteqquteqalersimasut malinniaqquneqarput, Demokraatillu Siumukkullu tamanna pillugu taaseqataanissaat Inuusuttut Ataqatigiit kaammattuutigaat.
- Nappaassuarmik kræftimik nappaateqartut misiliummik katsorsartittarnissaannut inatsisartuni amerlanerussuteqartut aningaasaleerusupput, soormi nappaassuaq kræfti pujortaqqusiunnaarnermik pinaveersaartikkunikku? Inuusuttut Ataqatigiit aperipput.
Tupa nappaatinut assigiinngitsorpassuarnut pissutaaqataasartoq allaaserineqarpoq, inuiaqatigiinnut ilaqutariinnullu aningaasarpassuarnik naleqartarpoq.