Borgmesteri: Sisimiut Maniitsumut angajutut inissiinianngilaq
Qeqqani kommunit marluusut kattunnissaannut atatillugu Sisimiut Maniitsumut angajutut inissiiniartutut oqaatigineqarnera Sisimiuni borgmesterip Hermann Berthelsenip akueriumanngilaa.
Skrevet af Louise M. Kleemann
27. marts 2008 11:05
Qeqqata kommuniani illoqarfiit marluk nunaqarfiillu arfinillit ataatsimut kommuninngussapput.
- Kattunnissamut pilersaarutit aallartinneqarmatali innuttaasut atugaannik pitsanngorsaanissaq anguniarneqassasoq isumaqatigiissutigaarput, Hermann Berthelsen oqarpoq.
- Aalajangiinerit pitinnagit suleriaqqinnissamut tunngavissat, mikisualuit ilanngillugit, isumaqatigiissutigereertarpavut.
- Kommunit kattussuunnissaannut sulineq aallartimmalli kommuninik aaqqissuusseqqinnerup iluatsinnissaa siunnerfigiuarnikuuara.
- Siunissami angisuunik unammilligassaqarpugut, taakkulu utaqqisinnagit maanna suliarisariaqarpavut, Sisimiut borgmesteriat Hermann Berthelsen Radioaviisimut taama oqarpoq.
