Unnerluussisoqassanersoq aalajangerneqalerpoq
Siorna apriilimi Jonathan Motzfeldt-ip inigisaani katerisimaarnermi Jonathan Motzfeldt kinguaassiutitigut kanngunartuliorsimasutut inatsisartut allattoqarfiani sulisumit unnerluutigineqarpoq.
Politiit angalallutik paasiniaasartui Nuummeeqqammerput, misissuinerallu tunngavigalugu aqagu tallimanngornermi imaluunniit sapaatip akunnerata tulliani aalajangiisoqassasoq, politimesterip Steen Silberg Thomsen-ip naatsorsuutigaa.
Aallaqqaammut Nuummi politiit - inatsisartut siulittaasuat apersunngiivillugu - unnerluussisoqassanngitsoq aalajangeraluarput. Taamatut aalajangerneq unnerluutiginnittumit rigspolitiinut maalaarutigineqareersorlu pinerluttoqarsimaneranik paasiniaaneq nangeqqinneqarpoq.