Tibet-imiut 100-likkaat akerliussutsiminnik takutitsisut Kinamiut nutaarsiassaqartitsivii naapertorlugit tunniutiinnarsimanerarneqarput.
Inuit tunniutiinnarnerarneqartut katillugit 381-iupput, Kina-llu illoqarfiisa ilaanni Tibetimiut najugaanni Sichuanimi eqqissiviilliortitseqataasuullutik.
Tibet-imiut siuttuata oqarnera naapertorlugu eqqissiviilliortoqarnerani inuit katillugit 130-t tungaannut toqutaasimapput. Akerlianilli Kina-miut oqartussaasui oqalupput, inuit 19-t kisimik toqutaasimasut.
Eqqissiviilliornerit marsip qulingani Tibet-imi aallartipput, tamatumalu kingorna eqqissiviilliornerit Kina-mi Tibetimiunit najugaqarfiusuni siaruariartorlutik.