Qarasaasiakkut umiarsuarmut bilitsisiniarit
Umiarsuarnut bilitsinik tuniniaanermut atatillugu POST Greenland aamma Arctic Umiaq Line nutaamik isumaqatigiissuteqarput.
Skrevet af Elisa Isaksen
Tamatuma kinguneranik illoqarfinni arfinilinni apriilip aallaqqaataaniit qarasaasiakkut umiarsuarmut bilitsisisoqarsinnaalissaaq.
Aaqqissuussinermi TELE POST-ip allaffeqarfii Aasianniittoq, Maniitsumiittoq, Narsamiittoq, Nuummiittoq, Paamiuniittoq Qaqortumiittorlu peqataatinneqassapput.
Illoqarfinni pineqartuni inissamik inniminniisoqartassaaq, bilitsi Arctic Umiaq Linemut akilerneqartassalluni, angalasussamullu tunniunneqartassaaq nittartagaq www.aul.gl iserfigalugu.