Atuariartortitsisarnerit ukiut 40-ssaat ingerlanneqarput
John Bech Hansen Fredericiami Kalaallit Nunaannut tunngassuteqartunut ataatsimiitsimiititaliami siulittaasuuvoq.
Ukiumoortumillu meeqqat atuariartortarnerannut ataqatigiissaarisartuulluni.
Ukioq manna ukiut 40-ssaat iluliarmiuaqqat atuariartortinneqassapput. Tassa katillugit meeqqat 2.200-it Fredericiamut atuariartortitaasimapput. Taamaalillutik Ilulissani innuttaasut affangajaattut amerlassusillit Fredericialiartareersimapput.
John Bech Hansen nukappiaqqanik marlunnik meeraateqartarsimavoq. Namminnerlu inuunermut ikinnguteqalersimanerarpoq.
- Meeqanik tikeraartoqarneq nuannersutut eqqaassutissaqartuarpoq, nuannersimammammiuna piumassutsimik taamatut suliaqarnera suli ingerlakkiga, John Bech Hansen oqarpoq.
Sillermi naapitarput Emilie Petersen fredericiamiissimasoq oqaluttuarpoq qallunaatut oqalussinnaanermigut iluaqutigisimallugu imalu nangippoq:
- Ilaqutariit najugaqarfikka efterskoleriarama aamma angajoqqaarsiareqqinnikuuvakka.
Hanne Anna Heilmann aamma ikinngutitaartutut misigisimavoq:
- Qeqarama tamaaniinnikuupput Ilulissani.
Fredericiap sinniisai aqagu marluniit Jørgen Brønlundip atuarfiani naapisimaarneqarsinnaapput.