Paasisitsiniaaneq iluaqutaavoq

Aasiaat nunaqarfiini Niaqornaarsuk siulliullugu uani sapaatip akunnerani paasititsiniaavigineqarpoq, tamannalu meeqqamik nalunaarutiginnittoqarneranik kinguneqartoq oqaatigineqarpoq.

Meeqqat pisinnaatitaaffii pillugit paasititsiniaaneq Paarisamiit illoqarfinni pinaveersaartitsinermut ataatsimiitsitalianut suliassiissutaanikuupput. Ataatsimiitsitaliallu suliassiissutai susassaqaqatigiinnut isumagineqartussanngorlugit ingerlanneqarput decembarimilu illoqarfinni ingerlanneqarlutik.

Aasiaat nunaqarfiini Niaqornaarsuk siulliulluni uani sapaatip akunnerani meeqqat pisinnaatitaaffii pillugit atuarfimmi sammisaqartitsivoq.

- Pisinnaatitaaffitik paaseriaramikkit meeraq ataaseq saaffiginnippoq aammalu taanna qujanartumik paasiniaariarami tassa maani kommunefogederput attavigeriarakku taava Aasianni politiit siunnersuinerat aallaavigalugu suliassaq ingerlaqqittussatut aallartinneqarpoq. Tassa pisup uuma takutippaa meeqqat pisinnaatitaaffiinik inersimasullu killissaat pillugit qaammarsaaneq imminut akilersinnaasoq. Uanimi pisumi meeraq siusinnerusukkut allamit kinguaassiutitigut atornerlunneqarsimareerpoq, isumaginnitseqarfimmiulli meeraq annerusumik ikiorsimanngisaannarpaat.

Jørn Møller Larsenip neriuutigaa atuartup nalunaaruteqarnera kinguneqarumaartoq:

- Qujanartumik immaqa kissaqqippoq taanna ajornartorsiut unittiinnarneqarsimagaluaq taamaasillunilu meeraq pineqartoq immaqa sukkanerusumik sullinneqarsinnaanera immaqa pitsaanerusumillu alloriarnissaanut tassa alloriarnertut immaqa taasariaqarparput maannakkut pisut aallaavigalugit iliuuseqarneq.

Pisoq Niaqornaarsummi isumaginnittoqarfimmut suli anngunneqarsimanngimmat oqaaseqartitsisinnaanngilagut.