Vojislav Kostunica tunuarpoq
Serbiami ministeriuneq, Vojislav Kostunica, tunuarpoq. Tamanna ullumi nalunaarutigaa. Inatsisartunullu maajip ulluisa aqqarnanni qinersisoqassasoq ilutigalugu aamma nalunaarutigaa.
08. marts 2008 16:51
Tusagassiortunik katersortitsinermi Kostunica-p nassuiaatigaa, maannakkut naalakkersuisoqatigiinni assut isumaqatigiinngittoqartoq, taamaammat naalakkersuisut sulinerat ingerlangitsoq. Inatsisartut tamavimmik atorunnaarsinneqarnissaat Kostunica-p kajumissaarutigaa, tamannali Serbiami præsidentip, Boris Tadicip, kisimi aalajangersinnaavaa.
Kosovo-p februaarimi naminersulernera akerleriinnermut pissutaavoq.
-Nunatta siunissaa pillugu apeqqummut pingaaruteqaqisumut Serbiami naalakkersuisut politikkeqarunnaarput – tassa Kosova Serbiamut atasutut isigineqassasoq, Kostunica oqarpoq.
