Zimbabwemi atsioqatigiittoqarpoq
Illuatungeriit imminnut tatigisinnaannginnerat perulluliortut ersersippaat.
Tsvangirai oqarpoq naalakkersuisoqatigiinnissamut atsioqatigiinnikkut aatsaat Zimbabwemi pissutsit ilorraap tungaanut aallarsinnaasut isumaqarami isumaqatigiissummut atsioqataalluni, Mugabelli naalagaaffiit killiit akuleruteqattaarnerat mitallerpalaarluni isornartorsiorpaa. Isumaqatigiissutip ullumi atsiorneqartup imarisaa suli saqqummiunneqanngikkaluartoq ilimagineqarpoq Mugabe præsidentinngussasoq sakkutuunullu qullersaassasoq, Tsvangirai-lu ministeriuninngorluni aamma politiinut qullersanngornissani kissaatigigaluaraa tamatuma iluatsissinnaanissaa apeqquserneqarpoq. Zimbabwemi aningaasaqarniarneq ilungersunarsilluinnarpoq, inuillu miliuunilikkaat kaallutik. Isumaqatigiissutilli qanorpiaq oqaasertaqarnera paasitinnagu naalagaaffiit ikiuinerminnik nangitseqqikkusunngillat.