Islandimiu atuakkiortoq ajugaavoq
Ajugaavoq islandimiu atuakkiortoq, Kristín Helga Gunnarsdóttir. Taassuma atuakkiaa aliortugalersaarut, Spøgelsesspor – Draugaslóð – nersornaaserneqarpoq.
Kristín Helga Gunnarsdóttirip atuakkiaani nukappiaraq aqqaneq-marlunnik ukiulik, Eyvindur, inuttaatinneqarpoq, taanna Islandimi aanamini, arnami arnaani, najugaqarpoq. Nukappiaqqat skotlandimiut marluk, Islandimut tikeraartut, ullut arlaanni tammaaneqarput, Eyvindurillu taakku sinnattorisalerpai.
Taamaalluni paasinarsivoq, sinnattui aalajangersimasumik isumaqartut.
Nersornaatip aningaasartai 60.000 koruunit Islandimi Altingip ataatsimiittarfiani nalliuttorsiualaarnikkut tunniunneqarput. Ajugaasup Dragesporip ABCT-illu saniatigut savalimmiormiup atuakkiaa, Apollonia, nersornaaserneqartussatut aamma piukkunneqaraluarpoq.