Milernermi arriillisaatit ajoquteqarsimapput
Spaniami Madridimi timmisartup ajutoornera, ilaasut 154-it inuunerannik akeqartoq, timmisartup milernermini arriillisaataasa ajoquteqarnerannik aamma ajoqut pillugu mianersoqqusisussap atorsinnaannginneranik pissuteqarpoq.
Skrevet af Elisa Isaksen
04. september 2008 17:05
Taama ilisimatitsivoq tusarfigineqartoq, ajutoornerit pillugit ataatsimiititaliap aviisimut ‘Wall Street Journal’-imut nassuiaataanut attuumassuteqartoq.
Maannamut paasissutissiissutigineqartuni timmisartup aallarnerani motoorip aappaata ajoquteqarnera ajutoornermut patsisaatinneqaraluarpoq.
Timmisartortitseqatigiiffiup ‘Spainair’-ip ajutoorneq suli oqaaseqarfiginngilaa.
