Nassatat ingerlaarfiatigut ikiartortoq
Arnaq 78-inik ukiulik pernarluni ippassaq timmisartortussanngorpoq. Tysklandiliartussaalluni Stockholmimi timmisartoqarfimmut Arlandamukarpoq, nassatanilu tunniullugit.
Skrevet af Louise M. Kleemann
28. august 2008 13:53
Ikinissaminut uppernarsaatissani tunniunneqareermat nassatat ingerlaarfiannut innersuunneqarpoq, kuffertimi nassatani tassuunaartinneqartussaammat.
Ilitsersuunneqarninili paatsoorlugu nammineq tassunga ingippoq, malugineqannguaranilu nassatat timmisartumut ikineqartinnatik timmisartoqarfimmi inissiisarfiannut ingerlaarpoq, apuullunilumi.
Arnaq kusandarinnguaq taanna sumik isumatannguaqarani tamaanga pimmat, tassani sulisut soorunami tupigutsarujussuarput. Kivillugu aqqartipallappaat isumannaallisaallunilu nakkutilliisunut aqqusaarutipallallugu.
Arlandami politiit naapertorlugit, arnaq ajoqusinngilaq, Tysklandimullugooq apuulluarpoq. Nassatanillu isumaginnittut misigisartik nuannarilluinnarsimavaat.
