Ineriartornermikkut akornutillit pillugit atuagaq saqqummerpoq
Atuakkiortup, Stine Grønbæk Jensenip, kalaallit ineriartornermikkut akornutillit atugarisaat pillugit atuakkiorusussimanini ima oqaasertalerpaa.
- Oqaluttuariniagaq una pulaffigissallugu soqutiginarsimavoq, tassami inuit uku taakkartorneqartut isiginiarneqarsimanngillat puigorneqarsimasutullusooq pineqarsimallutik, ”Forvist til forsorg”-imik atuakkioqataasoq Stine Grønbæk Jensen oqarpoq.
- Innarluutillit namminneq aalajangersinnaasimanngilaat nunamut allamut nuutsitaanissartik. Oqaluttuassartaallu tusaraanni ersertarpoq qanoq kalaaliunerat nappaataallu tunngavigalugit ukiut ingerlaneranni nakorsanik naalagaaffimmillu assigiinngisitaartumik allanngorartumillu isummerfigineqarlutik pineqartarsimanerat. Aamma erserpoq isummat allanngorarnerat inuunerannut sunniuteqartarsimasoq, tamannalu assut uannut eqqarsartitsivoq.
- Neriuutigaarput atuakkap saqqummerneratigut eqqartorneqalissasoq isummerfigineqarlunilu, ilumut suleriaaseq atorneqartoq ajunngitsuunersoq allatigullu aaqqiivineqarsinnaanersoq, Stine Grønbæk Jensen oqarpoq.
Atuagaq 157-inik qupperneqartoq Forlaget Udvikling 2008-mit pisiarineqarsinnaavoq.
Atuagaq ”Forvist til forsorg” Stine Grønbæk Jensenimit Marie Louise Kniggemillu atuakkiarineqarpoq.