Pinngitsaaliisut Nanortalimmi ujaaraat
Pinngitsaaliineq, peqqarniitsutut oqaatigineqartoq, pivoq inissiani Ilivileq B 295-imi.
Arnaq angutit marluk tigoriarlugu kælderiliaappaat angutillu pingajuata tassani arnaq kinguaassiuutitigut pinngitsaalillugu.
Politiit angut 18-inik ukiulik Nanortalimmioq marlungormat tigusarimmassuk, sapaatip-akunnerini sisamani tigummigallagassanngortinneqarpoq, sulili pinerloqataasut marluk kikkuuneri paasineqanngillat.
Angutinik pingasunik taakkunannga aggustip ulluisa 14-ianni, unnuakkut nalunaqutaq ataatsip missaani B 295-ip torsuusaaniittunik takunnissimasinnaasut politiit tusarfigerusukkaluarpaat.
Nanortalimmi politiit oqarasuaataat normoqarpoq
61 32 22.