Savalimmiuni aalisartut akerliussutsimik takutitsisut

Savalimmiuni naalakkersuisut aatsaat siullermeerlutik biologit nunallu tamalaat imartaq pillugu ilisimatusarnikkut siunnersuisoqatigiivisa siunnersuutaannut pimoorullugu tusaaniarput. Taakkumi arlalippassuariarlutik aarlerisaarutigisarpaat Savalimmiuni aalisakkat piniapilunneqarpallaarnerarlugit. Taakkulu naliliinerat naapertorlugu Savalimmiut eqqaani aalisapilunneq ima ingasassimatigaaq allaat saarulliit nungulluinnarsinnaanerat aarlerisaarutigineqartarluni.

Aalisartut akerliussutsiminnik takutitsisut erseqqissaatiginiarsaraat aalisagartassiissutit naalakkersuisuniit appartinneqarujussuarnerat Savalimmiuni aalisariutaatilinnut Savalimmiunilu inuiaqatigiinnut aningaasatigut malunniuterujussuartussaammat.

Savalimmiuni naalakkersuisut siunnersuutigaat, ullut aalisarsinnaatitaaffiit affaannanngortinneqassasut.