Oqartussaaffeqarnerulernissamut periarfissagissaarnerulerpugut

Canadamiut naalakkersuisui isumaqarput Issittup imartaata naqqa Canadamut Kalaallillu Nunaannut atasoq, taamaalillunilu tassa issittumi pisuussutit piginnittussaanermut oqartussalerngusaannermi periarfissagissaarnerulerpoq, naak imartaq tamanna nunat taakku marluk 200 sømilinut killeqarfiata avataaniikkaluartoq, taama aviisi Berlingske Tidende allaaserinnissimasoq Sermitsiap allaaseraa.
Skrevet af Louise M. Kleemann
13. august 2008 07:15

Canadamiit oqaaseqaat tamanna maluginiarneqaqaaq, taamaalillunilu tassa issittumi imartap nunataata ilarujussuanik nunat taakku marluk piginnittuunerarlutik FN-ip imartamik piginnittussaanermut eqqartuussiveqarfianut upperinnilersitsiniarnerat periarfissarissaarnerulerpoq.

Danmarkilli FN-p ataatsimiititaliarsua Kalaallit Nunaannut Lomonosov Ryggen atanerarlugu qularunnaarsissinnaappagu taava Qaasuitsup imartaani imartaq 200.000 kvadratkilometerinik annertussusilik piginnittussaaffigalugu piumasarisinnaagaluarpaa, ilaatigullu tassani Qalasersuaq aamma pineqarpoq.

Canadamiut taama nalunaaruteqarnerat Russinut qulalersitsisinnaavoq tassami russit isumaqarput Lomonosov Ryggen Ruslandimut atasuusoq, taamatullu isumaqarnertik tunngavigalugu nunami tassani erfalasuminnik siusinnerusukkut amusipput.

Læs også

Døgnrapport: Indbrud og flere forsøg på indbrud natten igennem