Tamangajatta angallattakkamik oqarasuaateqarpugut
Imaassinnaavoq Kalaallit Nunaanni arlaannik amigaateqartoq. Oqarasuaatilli amigaatigineqanngilluinnarput. Tele Greenlandimiimmi kisitsisit takutippaat Kalaallit Nunaanni innuttaasut tamangajalluinnarmik fastnetimik oqarasuaateqarlutillu angallattakkamik oqarasuaateqartut.
Skrevet af Louise M. Kleemann
12. august 2008 06:43
Kalaallit Nunaanni Naatsorsueqqissaartarfik naapertorlugu Kalaallit Nunaanni innuttaasut ukioq manna januaarip aallaqqaataanni 56.462-iupput, taakkunanngalu 53.021-t angallattakkamik oqarasuaateqarput.
Tele Greenlandimit kisitsisini aamma takuneqarsinnaavoq 14.858-it GSM-eqartut, 38.163-illu Tusass-eqarlutik. 23.159-it nalinginnaasumik oqarasuaateqarput. Sermitsiap nittartagaani tamanna allassimavoq.
Oqarasuaatinit nalinginnaasunit angallattakkat nuannarineqarnerupput, nalinginnaasunillu oqarasuaatilinnit affaat inulaarlugit internetimut attaveqarput. Tassa 23.159-init 10.480-it internetimut attaveqarlutik.
