Politeeqarfimmi tillinniartut
Tallimanngornerup unnukkuani politiit nalunaarfigineqarput niviarsiaraq 12-inik ukiulik niviarsiaraqatiminit nakuuserfigineqarsimasoq. Niviarsiaqqat pingasut 14-inik, 15-inik, 16-inillu ukiullit persuttaasimasutut pasineqarlutik tigummineqarput. Suliaq massakkut suli misissorneqarpoq.
Niviarsiaqqat politeeqarfimmiinneranni aningaasivik cigarettillu ineeqqami isersimaarfigisaanni tillinneqarsimasut paasineqarpoq. Tillitat politeeqarfiup silataani niviarsiaqqat aamma najorsimasaanni ilineqarsimasut nassaarineqarput.
Aallaqqaammut niviarsiaqqat tillissimannginnerarsimapput. Killisiorneqarnerugamilli naggataagut nassuersimapput. Tillinniarneq persuttaanerlu tarmarmik politiiniit suliassanngortinneqarput.