Qalasersuaq Danmarkip pigilersinnaavaa
Danmarkip Issittumi sømilinut pisinnaatitaaffimmi annertusinissaa atorluaruniuk Qalasersuaq oqartussaaffigilissagaluarpaa. Tuluit ilisimatuut nunap immallu assiliaanni sukumeeqisumi tamanna takuneqarsinnaavoq. Aviisimi Berlingske Tidendemi tamanna atuarneqarsinnaavoq.
Assilli aamma takutippaa Rusland Qalasersuarmut aamma oqartussaasunngorsinnaalluartoq.
Tuluit assiliornerminni anguniarsimavaat nunani pineqartuni oqartussaasut politikerillu teknologiimik atuilluarnerunissamut paasinninnerunissaannik periarfissinniarlugit.
Danmark, Norge, Rusland, USA Canadalu Ilulissani maajimi ataatsimiikkamik isumaqatigiissutigaat, Sikuiuitsumi kikkut sumik piginnittuussanersut nunarsuaq tamakkerlugu inatsisit naapertorlugit aalajangerneqarumaartoq.
Tamanna isumaqarpoq, Qalasersuarmi suut kia piginerai Naalagaaffiit Peqatigiit aalajangissagaat.