Angut Kangaamiormiu ipilluni ajunaarpoq
Kangaamiuni angut 62-inik ukiulik sissami nunaqarfiup umiatsialiviani, immamut tallimanngormat nakkarnermi kingorna ipisimavoq. Ualikkut kingusissukkut arfernup missaani tamanna pisimavoq. Nunaqarfimmi angummik 62-inik ukiulimmik takunnittut annaassiniarlutik qaqissimavaat, angulli qaqinneqarami toqoreersimasoq, Maniitsumi politit ittuat Peter Sivertsen nalunaarpoq.
04. august 2008 11:37
Qeqertarsuarmi angut 19-inik ukiulik aallaammik arfininngornerup ullaavani eqqarsimavoq. Inuusuttut illumi erngunneranni angut kælderimut aallaammik aallersimavoq nunamullu ataasiarluni igilluni. 19-inik ukiulik inunnik ulorianartorsiortitsisimanngilaq. Angulli akiligassinneqassasoq, Qeqertarsuarmi stationslederi, Ole Vang Høj, oqarpoq.
Kalaallit Nunaat tamakkerlugu inuit sapaatip akunnerata naanerani eqqissisimakannersimapput. Illoqarfiit ilaanni inuit aningaasarsiffiat politinut malunnarsimavoq, tassami aalakkuttoqarlunilu angerlarsimaffinni eqqissiviilliortoqarsimammat.
