Russit sorsuutaat Svalbardiliartut
Imartaq Svalbardip eqqaaniittoq Norgemit Ruslandimillu pilerngunneqarpoq, Sovjetunioniusimasorlu 1991-imi ajalusoormalli Rusland Svalbardi pillugu aatsaat taama sakkortutigisumik iliuuseqarpoq.
Svalbard Norgemit oqartussaaffigineqarpoq.
Svalbardip qeqertaasa ilaat Spitsbergen Ruslandimiut aalisartuinit tikinneqaqqusaanngilaq, imartaq tamaaniittoq Norgemit pigineqaraluartoq, tamanna Ruslandimit akuersaarneqarsimanngimmat.
Issittup imartaa uuliaqassangatinneqarlunilu gasseqassangatinneqarmat, nunanit arlariinnit pilerngunneqarpoq, taamalu Ruslandimit aamma oqartussaaffigineqarusulluni.
Danmark, Norge, Canada, USA aamma Rusland Issittup imartaa pillugu aaqqiagiinngissuteqarput. Issittup imaa silap pissusaata allanngoriartornerata kingunerisaanik sikueriartuinnarpoq, taamalu umiarsuit tamaani angalaarsinnaanngussallutik.
