Ilisimatusarnikkut misissuivik 75-nngortorsiorpoq
Tasiilap eqqaani Sermilimmi ilisimatuussutsikkut misissuinerit ukiut 75-inngortorsiornerat malunnartinniarlugu Tasiilap katersugaasiviani immikkut ittumik saqqummersitsineq, sapaatip akunnera ataaseq qaangiuppat ammarneqassaaq.
Skrevet af Elisa Isaksen
31. juli 2008 08:29
Ukiut 75-it matuma siornagut Knud Rasmussen arfineq-aappassaanik Issittumi ilisimasassarsiorpoq.
Tunumi Nunap Isuanit avannamut ingerlaarnermini Tasiilaq tikippaa, angalanerlu taanna Sermiliup ilisimatuussutsikkut misissuiffiulerneranik aallartitsiffiuvoq.
Issittoq misissuiffiginiaraanni Sermilik naleqqulluinnarpoq, tamaani sialoqassusia nittaalaqassusialu killeqarmat. Sermeqarluni imerlu sermimeersoq sinerissamut kuulluni. Sermilimmi misissuisoqarfik issittumi allanngoriartornernut takussutisseeqataavoq, taamalu ullumikkut silap pissusaata allanngoriartorneranut takussutissiilluni.
