Qulimiguullip nakkarneranut paasissutissat saqqummiuppaat
Ilulissat kangiani qulimiguullip Sikorsky 61-ip siorna apriilip 18-ianni nakkarnerani peqqutaasut
Ajutoornerit Pillugit Ataatsimiititaliap Havarikommissionip misissoreerlugit saqqummiuppai.
Skrevet af Elisa Isaksen
Qulimiguullip S-61-ip motoriisa atortorissaarutaasa ilaasa ajoquteqarneranik pissuteqartumik motoori orsussamik atuiunnaarpoq qamillunilu, S-61-ilu miffissaminit 10 meterinik qutsitigisumiit nakkarpoq.
Qulimiguullip pitsaassusaanik misissuineq naammassimanngitsoq, Ajutoornerit pillugit ataatsimiitsitaliaq aamma inerniliivoq.
Qulimiguulimmik aquttup miffissap nalaaniileruttorlutik motorip aappaata qaarpallanera tusaasimavaa, kingunerisaanillu aputaannarmut minnerliorujussuarlutik. Ilaasut 24-usut qulimiguulimmilu inuttat pingasuusut minnerliornermi ajoqusinngillat.