Kim Kielsen: Avatangiisit pillugit iliuuseqartariaqarpugut
Avatangiisinut naalakkersuisup Kim Kielsenip nunatsinni avatangiisit pillugit nammineerluta aamma iliuuseqartariaqartugut isumaqatigaa.
Skrevet af Mads Lynge
- Mingutsitsinermut tunngatillugu aamma CO2-mut tunngatillugu inatsisinut tunngasut qimerloorpavut, ataqatigiissaarpavut pilersaarutillu assigiinngitsut ingerlallugit, Kim Kielsen oqarpoq, nangipporlu:
- Suliniutit assigiinngitsut ingerlalereerput, aamma eqqaaveqarnermut tunngatillugu massakkut iliuuseqarpugut. Avammut oqariartuuteqarluta allat uparuartorlugit nammineq iliuuseqarniarsarivugut, neriuppungalu inatsisartut pilersaarut taanna ukiaru akuersaassagaat, avatangiisinut naalakkersuisoq Kim Kielsen oqarpoq.
Eqqakkanik siunissami immikkoortiterisalersinnaanissaq periarfissanut ilaasoq aamma oqaatigineqarpoq.