Maria Rosing ippassaq toqukkut qimaguppoq
Maria Ilinniarfissuarmi ilinniartitsisup Folketingimilu ilaasortaasimasup Nikolaj Rosingiugaluup uillarneraa.
1959-imi umiarsuup Hans Hedtoftip umiuneratigut folketingimut ilaasortaq Avgo Lynge ajunaarmat Nikkulaat sinniisussaagami kingoraarpaa, kingornalu qinigaaqqittarluni katillugit ukiuni 15-ini folketingimut ilaasortaalluni, 1976-imi toqunissani tikillugu.
Maria uillarami Danmarkimiimmersoriarluni 1980-ikkunni Nuummut uterpoq, toqussilu tikillugu tassani najugaqarluni.
Maria 2002-mi marsip aallaqqaataani Nuummi ataqqinaammik innuttanngortitaavoq.
Maria Rosing sisamanngorpat Hans Egedep oqaluffianiit nalunaaqutaq ataatsimut ilisaassaaq.