Tunesiamiut marluk parnaarusimaneqaannassapput

Tunesiamiut marluk, aviisimi Jyllands-Postenimi muuamaat ilaarutigalugu titartaasumik toqutsinissaminnik pilersaarusiorsimanertik pissutigalugu Danmarkimit anisitaasussanngorlugit eqqartuunneqartut, parnaarusimaneqarallassasut Københavnip eqqartuussivia ullumikkut aalajangiivoq.

Tamatumunnga peqatigitillugu eqqartuussisut isumaqarput, paasissutissat politiinit aamma politiit isertortumik paasiniaasartuinit ippassaq eqqartuussivimmi saqqummiunneqartut pisariaqartitsineq naapertorlugu, ilimanarsisikkaat, Tunesiamiut taakku marluk toqutsinissamik pilersaarusiorsimasut taamalu Muuamaamik ilaarutiginnilluni titartaasut ilaannut peqqarniisaarniarlutik saassussiniarsimasut.

Taamaattumik eqqartuussiviup Tunesiamiut taakku marluk naalagaaffiup isumannaatsuunissaanut ernumanartutut nalilerpai, parnaarusimaannarneqartariartullu aalajangiullugu, Københavnimi eqqartuussivik ullumikkut taama aalajangiivoq.