Nunanit allamiut qaartartumeerisuupput
Afghanistanimi naalagaaffimmi pissutsinut ministereqarfimmit tamanna ilisimatitsissutigineqarpoq. Qaartartumeerinermi inuit 41-t toqutaapput, sakkutuut amerikamiunit siulersorneqartut upperisanik sammisallit Talibanikkut Afghanistanimi naalagaaniarnerat kipitimmassulli aatsaat taama sakkortutigisumik kingumut qaartartumeerisoqarpoq.
-Naalagaaffimmi pissutsinut ministereqarfimmi isumaqarput, naalagaaffiup isertortumik tamaani paasiniaasui ataqatigiissaarisoralugit siunnersuisoralugillu saassussineq pisimassasoq, naalagaaffimmi pissutsinut ministereqarfimmiit nalunaarutigineqarpoq, tassa nutaarsiassaqartitsivik Reuters naapertorlugu.
Nalunaarummi nunanik taasaqartoqanngilaq, kisianni Afghanistanip Pakistan siusinnerusukkut pisuutinnikuuvaa, Afghanistanip nunataani saassussisarnerit pillugit Pakistan Indiap akeratoqarsuaraa.
Aqqusinermi ullaanerani angallatileruttorfimmi angut ullaaq qaartartumeerivoq, biili usisaat qaartartunik ulikkaavissoq aallartitaqarfiup isaariaani qaartinneqarpoq, inuppassuit visumissaminnik qinnuteqariartortut tamaani utaqqeruttortut.
