Uuliakuunasorisaq quajaatineersuussaaq
Uuliakuunasorisat tassaapput quajaatit, sinerissami nakkutilliisut Kangilinnguani sakkutooqarfimmeersut nalunaarput.
Uuliakuunasorisaq sinerissami nakkutilliissummit Vædderenimit Pinngortitaleriffimmut ilisimatuunit misissugassanngorlugu tunniuneqarpoq.
Ilisimatuut Pinngortitaleriffimmeersut misissuereerlutik nalunaarput, uuliakuunasorisaq quajaatineersuussasoq.
Quajaatit issittup imartaani nalinginnaasuupput, sikup ataaniissimatillutillu tippiusanngortarput, Pinngortitaleriffimmi Ilisimatooq Thomas Juul Pedersen oqarpoq.
Quajaatit sikup saavittup ataaninngaanneersuusimassasut eqqoriarneqarpoq, sinerissamik nakkutilliisut Kangilinnguani sakkutooqarfimmeersut taama nalunaarput.