Naalakkersuisut: Akisussaaffik Tasiilamiippoq
- Kommunalbestyrelsit borgmesterillu kommunini aalajangiussat aningaasaqarnerlu namminneq akisussaaffigaat.
Ammassallip kommuniata aningaasaqarnera pitsaanngitsoq Naalakkersuisunit paasineqarmat piaartumik ikiuunnissamik neqeroorfigineqarput.
Naalakkersuisut aamma kommunep pisariaqartilluinnagaanik aningaasaqarneq pillugu siunnersuinermut ikiuupput, naalakkersuisut siulittaasuata naalakkersuisoqarfia allakkamini taamatut allappoq nangillunilu.
Ajornartorsiutit aaqqinniarlugit Naalakkersuisut siulittaasuat immikkut ittumik suligasuartussanik pilersitsivoq, pingaartumik kommunimi meeqqanut inuusuttunullu suliniuteqartoqarnissaa anguniarlugu.
Imigassat 15 procentit sinnerlugit kimittussusillit tuniniarneqarnerat matuneqassasoq Naalakkersuisunit aalajangerneqarpoq, taamaaliornikkut suliniutit kingunerisaannik kommunip aningaasaqarnerata ukiup naannginnerani ilorrap tungaanut saannissaa neriuutigineqarluni, taassuma kingorna Ammassallip kommunia kommunerujussuarmut ilannguttussaammat, Naalakkersuisut siulittaasuata naalakkersuisoqarfia taama allappoq.