Nick Nielsen K2-mut qaqinialeruttorpoq
Nunarsuarmi qaqqat portunersaasa tulliat K2, Pakistanip avannaaniittoq, kalaallimit Nick Nielsenimit maanna qaqiniarneqaleruttorpoq. Nick Nielsen Nuummiu Jakob Wetche peqatigalugu qaqqarsuarmik taassuminnga qaqisinialeruttorpoq, ajornaatsuinnaanngilarlu.
Skrevet af Mads Lynge
01. juli 2008 11:24
Nick Nielsen K2-p eqqaaniittoq attaveqarfigaarput, imatullu oqarpoq:
- Maanna tupersuaqarfimmiippugut, 5100 meterinik portussusilimmiilluta. Camp 1-imut qullarterniartussaavugut, 6000 meterinik portussusilimmiittumi. Taanna suliariartussavarput. K2 nunarsuarmi qaqqat ulorianarnersaattut nalilerneqartarpoq, Nick Nielsen oqarpoq.
K2 8611 meteritut portutigivoq, juulillu naajartulernerani K2 qaqissagitsik Nick Nielsenip ilimagaa, qaqqarsuarmilli qaqisiniarneq ajornaatsuinnaanngilaq:
- Maanga ingerlaarnitsinni napparsimasorujussuuvugut, naarlulluta. Massakkulli ingerlalluarpugut, Nick Nielsen oqarpoq.
Inuit 100-t allat peqatigalugit K2-mik qaqisiniarput.
Nick Nielsen nunarsuarmi qaqqat portunersaannut Mount Everestimut siornatigut qaqereerpoq.
