Røde Khmerit Nunanut allanut ministererisimasaat eqqartuunneqartoq
Cambodjami nunamik aqutsisuusimasut Røde Khmerit nunanut allanut naalakkersuisorisimasaat sorsunnermi pinerluuteqarsimasunut immikkut eqqartuussivimmi ullumi eqqartuunneqarpoq.
Skrevet af Jaaku Lyberth
30. juni 2008 16:57
Nunanut allanut naalakkersuisuusimasoq Ieng Sary maannakkut 82-inik ukioqartoq inuiannut sorsunnermilu pinerluuteqarsisasutut pisuutinneqarpoq. Iena Sary iperaagaatitaanissami kissaatigisimavaa, ukiup uumap ingerlanerani eqqartuussaanissami tungaanut.
Naalagaaffiit Peqatigiit tapersersugaanik sorsunnermi pinerluuteqarsimasut eqqartuussiivianni nunanut allanut naalakkersuisuusimasoq pinerluuteqarsimasutut pasineqartut allat tallimat peqatigalugit eqqartuunneqarput.
Cambodjami nunamik aqutsisuusimasut Røde Khmer ukioq 1975-imiit 1979-ip tungaanut pissaanermik tigummisuuneranni inuit 1,7 milliuunit perlerlutik napparsimallutik peqquserlussimasutulluunniit toqunneqarput.
