Kalaallit unammiffissaat allannguuteqarput
Kalaallit Canadamiullu assammik arsarlutik unamminissaat KNR Radiukkut Brasiliamiit toqqaannartumik unnugu nalunaaqutaq qulinut tanneq aqqanerniit aallakaatinneqartussanngorpoq.
Amerikap nunavittaaneersut unammeqattaaarneranni kalaallit Chile-meersunut aqagu unammissapput, unamminissaq taanna aamma nuunneqarmat unnukkut nalunaaqutaq arfineq marlunut aallakaatinneqassaaq.
Kalaallit Nunaanni Assammik Arsartartut Kattuffianniit nalunaarutigineqarpoq, kalaallit unammisartuisa ilaata, Minik Rosingip ajoqusernera siullermik ilimagisamiit ajunnginnerusoq. – Gipsini peereermagu kingusinnerpaamik unamminerni kingullerni unammeqataanissaa naatsorsuutigigitsik, unammiartortut pisortaat Kurt Lauritsen oqarpoq.
Unnugu unammineq qulinut tanneq aqqaneq toqqaannartumik radiukkut aallakaatinneqassammat unammineq naammassineqareerpat aatsaat Radioaviisit aallakaateqqinneqassapput.