-Anaanaga pujortarmat maangaannarlu igillugu taava siunnersuutigigiga taanna.
Taamatut oqarpoq Aqqalunnguaq Mørch aqqaneq marlunnik ukiulik. Uparuaanerlu arnaata pitsaasumik kinguneqartippaa:
Silami pujortareerlunga iserama eqqarsaatigivara kisianni arnat peqatigiinni ataatsimiikkatta pinaveersaartitsiniariaratta junip 14-ni sutitsinissarput eqqarsaatigalugu taanna eqqaariataarpara uuma ernerma uparuaanera taava taamaaleriarlugu suliniutiginiarlugu aaliangiukkatsigu tassa 14-ni piviusunngortipparput.
Katersititsinermilu cigaritsit 48 kilot sinnerlugit amerlatigisut katersorneqarput.
Assersuuteqassagutta oqaatigisinnaavarput cigaritsip ataatsip nunami imeq 30 literi minguttittaraa. Taamaammat takorlooruminartorujussuuvoq kimmivikut qanoq nunatsinni minguttitsitiginersut.
Taamaammallu Anine allamik siunnersuutissaqarpoq:
Tassa eqqartorparput ukiumulluunniit ataasiarluni imaluunniit qanortoq-una cigaritsit kimmivikuinik katersineq Kalaallit Nunaat tamaat siammarterneqarsinnaanera eqqartornikuuvarput.
Taamaammat nunatsinni pujortartartut silami igitsivissaqarnissaannik aaqqiisoqartarnissq siunissami pisariaqartoq Anine Mørch aamma oqarpoq.