Juullimi sila
Radioaviisip matuma aallartinnerani aqagumut silap qanoq innissaa nalunaarutigereeratsigu, maanna juullikkunni silasiortut silap qanoq innissaanik ilimasarutaat paasiniaaffigilaariartigu. Tassami Juullip Inuata nunaani qaqqorimmi juullisiussanerluta paaserusunnaqimmat.
Silap qanoq innissaanik ilimasaarutit ersersippaat, Danmarkimi aputissaaleqillutik juulliussasut, maanili uagut naammagiliinnagassatsinnik aputissaqartugut.
Juulliaqqami Tunumi Kitaanilu nittaalassaaq anorlingaatsiassallunilu. Taamaallaat nunatta avannarpiaani Qaanaami eqqaanilu anoreqarani aallaaqqinnissaa ilimasaarutigineqarpoq.
Juullikkunni Kitaani avannamut Qeqertarsuup Tunua tikillugu nittaalarallassaaq, piffissallu ilaani anorlernerussalluni.
Silasiortut ilimasaarutigaat, Tunumi Juullip ulluani allaaqqilluni anoreqannginnerussasoq, kisianni juullip aappaani nittaalleqqissasoq anorlilerlunilu.
