Skuumik miloriarneq takuneqarnerpaajuvoq
USA-p præsidentiata George W. Buship Bagdadimiitilluni tusagassiortumit Irakimiumit skuunik miloriarneqarnera internetsikkut takuniarneqarnerpaanngorsimavoq.
Skrevet af Louise M. Kleemann
Videoliaq ullut marluk ingerlaneranni 11 millioneriarluni takuniarneqarsimavoq. Tamannalu rekordiliinerusoq nalilersuisartut Visible Measures oqaatigaat.
Videoliaq nalunaaquttap akunneri arfineq-marluk qaangiuttut 24.000-eriarluni takuneqarsimavoq, aqaguanili 11 millioneriarluni takuneqariikatassimalluni.
Barack Obamap amerikami præsidentissatut qaammatit marlussuit matuma siornatigut qinigaanerminut atatillugu ajugaalluni oqalugiaataa, nittartakkami maannamut isiginnaarneqarnerpaasimasut tulleraat, ullup unnuallu ataatsip ingerlanerani 5 millioneriarluni takuniarneqarsimalluni.