13-nik ukiulik sapiitsuliorsimasutut ullumi nersornaaserneqassaaq
Aannguaq Isbosethsen-ip qatanngutini qulingiluanik ukiulik taassumalu kammalaataa aasaq immami ilisimanngitsut naammattoorpai.
Nukkani annaanniarlugu immamut tingivoq, nukkanilu nunamukaateriarlugu kammalaataa annaanniarlugu immamut avalappoq, taamaalinerani, imaq gradinik pingasuinnarnik kissassuseqarpoq. Aannguarli aappassaanik immamut pinermini ilisimajunnaarpoq. Aannguup nukaa, aatsaannguummat nunamut qaqinneqaqqammersoq ilisimmarami ikiortissaminik ujarlipallappoq.
Sulisartorlu Shweiziminngaanneersoq Patrik Neuhäusler naammattoorppaa, taassumalu ingerlaannaq nukappiaqqat immamiittut annaappai. Patrik Neuhäusler sapiitsuliorsimanini pillugu Carnegiep sapiitsuliorsimasunut nersornaasiuttagaanik aamma nersornaaserneqassaq.
Carnegiep sapiitsuliorsimasunut nersornaasiuttagaanik arnat marluk angutillu 14-it ukiormanna nersornaaserneqassapput, taakkualu 10.000 koruuninit 20.0000 koruunit tungaannut akissarsisinneqassallutik.
