Juliane Henningsen Lars-Emil Johansenilu taasinnginnerpaasarput
Juliane Henningsen aamma Lars-Emil Johansen Folketingimi taasisoqartillugu taasinngitsoornerpaasarput. Taasinerni tamarmik peqataasannginnerat 98 procentiusoq Altinget dk-mi, atuarneqarsinnaavoq.
Skrevet af Louise M. Kleemann
10. december 2008 07:14
Pingajuat savalimmiormiu, Edmund Joensen, Sambandspartiimeersoq, procentimik ataatsimik siuttuuvoq, taassuma najuutinngitsoortarnera 97 procentiugami. Tulliuvoq ministeriuneq Anders Fogh Rasmussen, taassuma najuutinngitsoortarnera 96 procentiuvoq.
Lars-Emil Johansen Radioaviisimi imminut illersorluni siusinnerusukkut oqarnikuuvoq, Folketingimi ilaasortatut sulineq tassaaginnanngimmat taaseqataasarneq - aammali tassaasoq ataatsimiititaliatut sulineq, oqallinnerni ataatsimiinnernilu peqataaneq.
Lars-Emil Johansenip taamani aamma tunngavilersuutigaa Kalaallit Nunaat sinniisoqartarnissamik immikkut isumaqatigiissuteqarmat, taamaammat apeqqutit Kalaallit Nunaannut immikkut soqutiginaateqanngippata taaseqataasariaqaratik.
