Borgmesteri Qasigiannguit Ilulissallu akornanni nooqattaartariaqassaaq
Kommunerujussuit pilersinneqarnissaat piareersarneqarmat eqqarsaatigineqanngitsoorsimavoq qitiusumik illoqarfiusussami borgmesterinngortussaq illoqarfimmi allaminngaaneersuusinnaasoq.
Qaasuitsup kommunessaani Jess Svanep borgmesteritut qinigaanera navianartorsiortitaavoq.
- Tassa ullut 180-it angullugit maani kredsmandatitut inissiimasuuninninngaaniit peqanngiffeqassaguma paasivara qinigaanera katattussaasoq.
Taamaammat Qaasuitsumi borgmesterinngortussaq Jess Svane Qasigiannguarmiuuginnarluni Ilulissani borgmesteritut sulinissani naatsorsuutigaa.
Taamanngippammi Ilulissat Qasigiannguillu akornganni nooqattaartariaqassaaq ullut 180-it qaangisiutsinnagit, qinigaasinnaanini annaaniarnagu.
Taamaammallu Jess Svanep neriuutigaa inatsisartut sukkanerpaamik inatsit kommunerujussuarnut qinikkanut atuuttussaq tulluarsaaffigiumaaraat.
