Afghanistanimi Natop sakkutuui eqqaanneqarput
Natop lastbilii ingerlaartut, sakkutuunut nunani allamiunut Afghanistanimiittunut atortussanik angallassisut ullumi Pakistanimi Talibaninit pikitsitsinianit eqqaanneqaqqipput.
Skrevet af Louise M. Kleemann
Pakistanimi politiit oqaaseqartitaat Anwar Zeb franskit nutaarsiassaqartitsiviannut AFP-mut taama oqarpoq.
Aamma Natop lastbilii 50-it ikuallatsinneqartut oqaatigineqarpoq.
Pakistanip avannaani kippasissumi, illoqarfiup Peshawarip avatinnguani lastbilit uninngasarfianni Talibanit sakkulersortut ippassaq Natop lastbilii 65-it ikuallatsippaat. Pikitsitsiniat 250-inik amerlassuseqartut nakkutilliisut qulit sakkuiariarlugit
lastbilit petruuliumik kuerariarlugit ikuallatsippaat. Nakkutilliisut ilaat ataaseq aallaaneqarluni toqunneqarpoq.