Kulturi tapiiffigiinnarnagu aningaasaliiffigineqartalerli
Kulturimik suliallit qinusartuunngimmata aningaasaliiffigineqartalernissaat pingaaruteqartoq, kulturi pillugu siunnersuisoqatigiit siulittaasuata oqaatigaa.
Skrevet af Louise M. Kleemann
Kulturi siuarsarneqassappat aningaasaliiffigineqartariaqarpoq, tapiiffigiinnarnagu. Taama oqariartuuteqarput, Nuummi Katuami inuit 70-it peqataaffigisaannik sapaatip-akunnerata naanerani isumasioqatigiinnermi peqataasut.
Kulturi pillugu siunnersuisoqatigiit siulittaasuat Inge Olsvig Brandt ima oqarpoq:
- Aningaasanik tapiiffigineqartarneq qimallugu aningaasaliiffiginernissarput kissaatigivarput, qinusartuunngilagummi. Kulturip aningaasartuutitut isigineqarnera qimattariaqarparput.