Sverigemi "Rudolfip" neqaanik tuniniaaneq uparuarneqarpoq
Svenskit pisiniarfiutaata, Ikeap, tuttup neqaanik tuttullu neqaanit pølsiliamik cafeteriami tuniniaasarnerat Tuluit Nunaanni uumasunik ikiuiniaqatigiiffiup, Vivap, uparuartorpaa.
Skrevet af Louise M. Kleemann
Viva isumaqarpoq, tuttu Rudolfi juullip nalaani pisisartunut tuniniassallugu tulluanngitsoq.
Ikeami immikkoortortaqarfinni tuttup neqaanik avannaani lappit nunaanneersunik tuniniaassaarnissaat ”Ikeap tuttunik atornerluinera unitsilli”-mik taallugu Vivap ilaasortaminut kaammattuutigaa.
Lappit tuttunniarnerminni qamuteralannik atortoqartarnerat, tuttunillu ungoorinerminni nigariartaammik atortoqartarnerat, Vivap ilanngullugu naammaginngilluinnarpaa.
- Paatsiveeruttarput, Viva naliliivoq neqinillu tuniniaasarneq unitsinneqaqqullugu.