Mumbaimi akunnittarfik saassunneqarmat arlallit toqunneqarput
Ikinnerpaamik inuit 100-t toqunneqarput 287-illu ikilerneqarlutik, muslimit ingasattajaarniat sakkulersortut, Indiami illoqarfimmi Mumbaimi, siornatigut Bombayimik taaguuteqartumi, unnuaq aaqqissuussamik peqqarniisaarniarlutik saassussisaqattaarmata.
Skrevet af Louise M. Kleemann
27. november 2008 06:49
Toqunneqartunit ikinnerpaamik arfinillit nunani allamiuupput. Pisoorsuit akunnittarfianni najugaqartut sulisullu 100-t 200-llu akornanni amerlassuseqartut peqqarniisaarnianit sakkulersorsimasunit qulit missaannik amerlassuseqartunit sallunaveeqqutitut tigummineqarput. Atorfikkaat ilaat nutaarsiassaqartitsivimmut Reutersimut taama ilisimatitsivoq.
Peqqarniisaarniat Indiami tv-qarfik aqqutigalugu nalunaarutigaat, Indiami sorsunnermi illernartumi tigusarineqarsimasut tamarmik aatsaat iperagaatinneqareerpata sallunaveeqqutitut tigusatik iperarumallugit.
