Østrigimi atuartut kunissuussinnaanermik pisinnaatitaaffitsik sorsuutigaat
Østrigimi illoqarfimmi Linzimi atuarfiup pisortaa atuartunit nuannarineqarpallaarunnaarsimavoq, tassami atuarfimmi kunissuuttoqaqqusaajunnaarnermik aalajangiinera atuartut akornanni akerlerineqaqaaq.
Skrevet af Louise M. Kleemann
atuarfimmi atuartut niviarsiaqqat nukappiaqqallu ilassinninniarlutik kunissisarneq ileqquliukkaluttuinnarpaat. Atuarfiup pisortaa isumaqarpoq kunissisarneq kikkut tamat takkuanni atugassaanngitsoq. Taamatulli isumaqarnermini inuusuttunit isumaqatigineqanngilaq.
Aalajangiussinini illersorlugu ataatsimiittoqarnerani oqaaseqarmat, atuartut akerliussusertik kunissuunnikkut ersersippaat.
Taamaalilluni Østrigimi inuusuit kunissuussinnaanerminnik pisinnaatitaaffitsik sorsuutigissallugu qununngitsut oqartoqarsinnaavoq!