Minnissami ajornartorsiortarnermut sumiissusersiutit pissutaanngilat
Kim Kielsen oqarpoq pissusissamisuunngitsoq Nuup Kangerlussuullu mittarfiini sumiissusersiutit pisuutissallugit.
-Ersernerlutsillugu milernermi sumiissusersiutit iluaqutigineqartarput iluaqutaasinnaanngillalli mittarfiit quasappallaarsimappata anorersuarpalluunniit, taamaattumik Mittarfeqarfinnik sulisuinillu naliliinerit piviusunik tunngaveqarpata aatsaat naapertuuttumik nalilersuisinnaasussaavugut, Kim Kielsen oqarpoq. Kim Kielsenip ssortunngilaa mittarfeqarfinni atortuutit qanganitsernikuummata nangillunili oqarpoq mittarfinni ingerlatsineq siunissami isumannaatsuutinneqassappat atortoqarneq eqqartorneqarnerusariaqartoq. – Mittarfeqarfiit Naalakkersuisullu anguniagassat pillugit isumaqatigiissusiornikuummata qulakkeerneqareerpoq mittarfiit ingerlannerisa isumannaatsuunissaasalu isummersorfigiuarnissaat, Kim Kielsen naggasiivoq.