Jens B. Frederiksen: Suliffinnik Danmarkimut nuussineq qanoq akeqarpa?
Jens B. Frederiksen ilaatigut aperaaq, sulisut qassit Danmarkimi immikkoortortaqarfimmi sulinersut. Aamma sulisut taakkua Nuummi najugaqannginnerisigut Kommuneqarfik Sermersooq akileraarutitigut qanoq annaasaqartiginersoq.
Jens B. Frederiksenip ilanngullugu apeqqutigaa, Kalaallit Nunaanni sulisussanik pissarsiornermik ajornartorsiornermik peqquteqartumik immikkoortoqarfinnik allanik Danmarkimut nuussinissamik Naalakkersuisut pilersaaruteqarnersut?
Jens B. Frederiksenip tikkuarpaa, namminersorneq pillugu isumaqatigiissummut angernikkut, akisussaaffinnik assigiinngitsunik 32-nik tigusinissamut periarfissaqalissasoq.
- Naalakkersuisut qanoq ilillutik akisussaaffinnut tiguneqartussanut 32-usunut sulisussanik naleqquttunik ilinniagalinnik sulisoqalernissaat qulakkiissamaarpaat imaluunniit immikkoortoqarfiit tiguneqartussat Danmarkimiiginnartariaqassappat?, Jens B. Frederiksen aperaaq.
