Kultureqarnermut, Ilinniartitaanermut, Ilisimatusarnermut kiisalu Ilageeqarnermut naalakkersuisoqarfiup suliniuteqartunut assigiinngitsunut 10.000 koruuniniit 130.000 koruunit tikillugit kulturikkut suliniutinut assigiinngitsunut agguaateqqammerpai.
Atuakkat kulureqarnermut aningaasaliiffigineqartut ilaat tassaapput Bent B. Olsenip atuakkiaata ”Shamanens lærling”-ip naqiterneqarnera, Inuit Ataqatigiit ukiunik 30-nngortorsiornerannut atuakkiap naqiterneqarnera, aamma Kirsten Larsen Egede-p atuakkiaa ”Juulli – Jul”.
Silamiut isiginnaartitsissusiaat marluk aningaasaliiffigineqarput, tassaasut ”Julegavetyven” aamma ”Gi mi tiggum”.
Pikkorissaanernut suliniutinut arlalinnut aamma tapiissuteqartoqarpoq. Soorlu Maria Paninnguaq Kjærulffip Tasiilami meeqqanut titartaanermik qalipaanermillu pikkorissartitsineq tapiissuteqarfigineqarluni, aamma Dida’s Dansebureau-p Dansekursus og koreografi – tassa qitinnermut pikkorissarneq aamma balletimi qittatinik ilusilersuineq.