Pituffiup eqqaani nuna misissuiffigineqarpoq

Risø-mi qinngornernik ulorianartunik misissuisarfiup immikkoortortaqarfiani sulisup Sven Nielsenip tamanna ima nassuiarpaa:

- 2003-mi Pituffiup nunataa, ukiorpassuarni misissuiffigineqarsimanngitsoq misissuiffigigatsigu plutoniumimik mingutsinneqartoq paasinarsivoq. Taamaammat siorna aasaq mannalu misissuivugut, tamanna inuit uumasullu peqqissusaannut qanoq ajoqusiisinnaatiginersoq paasiniarlugu.

- Timmisartup ukiut 40-t matuma siornagulli nakkarnera eqqarsaatigalugu, oqartoqarsinnaavoq, siusinnerujussuakkulli aaqqissuussaanerusumik misissuisoqarsimasariaqaraluartoq. Kisiannili tassa taamaallaat immap timmisartup nakkarfiata eqqaata misissuiffigineqarnissaa, kisimi aalajangiunneqarsimavoq, Sven Nielsen oqarpoq.

- Misissuinerni nutaani paasisat oqaaseqarfiginissaat maanna siusippaallaaqaaq. Taamaattorli maanna oqaatigereersinnaavara nunami mingutsitsisoqarsimanera paasivarput aamma paasisatta ilaat tupaallaatigaavut. Kisianni annerusumik iliuuseqartoqassanersoq, misissuineq aappaagu naammassereerpat aatsaat oqaaseqarfigisinnaavarput, Sven Nielsen naggasiivoq.