Kræfteqalerneq kingusinaarpallaamik paasineqartarpoq
Taama ilisimatuut arlallit kalaallit nunaanni misissueriaaseq katsorsaariaaserlu pillugit misissuisimasut isumaqarput. Napparsimasut nappaataasa ersiuteqalerneraniit katsorsarneqarnissamut siviuallaamik utaqqisoqartartoq Rigshospitalimi niaqqukkut toqqusaakkullu kræfteqartunik immikkut ilisimasalik Preben Homøe oqarpoq.
- Paasisavut malillugit agguaqatigiisillugu, nappaatip ersiuteqalerneraniit katsorsarneqarnissamut qaammatit arfineq-pingasut ingerlasinnaasarput. Tamannalu utaqqineq sivisuallaarpoq, Preben Homøe oqarpoq.
Tamanna qanoq iliuuseqarfigineqartariaqarpa?
- Tamanna qanoq akissallugu nalunarpoq, pissutigalugu imaassinnaammat nakorsat immikkut ilisimasallit amigaatigineqarmata, taamaalillutillu niaqqumikkut toqqusaammikkullu kræfteqalersimasut piaartumik paasineqanngitsoortarlutik.
- Niaqqumikkut toqqusaammikkullu kræfteqalersimasut passunneqalertornissaat anguniarlugu, kræftimik nappaatit tamakkua ersiutaasa ilisimaneqarnerulernissaat sulissutigineqartariaqarpoq, Preben Homøe oqarpoq.
Preben Homøe naapertorlugu Kalaallit Nunaanni niaqqumikkut toqqusaammikkullu kræfteqalersartut 30-30 procentit missaanniittut nappaammik qaangiisarput, Danmarkimi 55 procentii nappaammit qaangiisartut. Allaassut tamanna Kalaallit Nunaanni niaqqukkut toqqusaakkullu kræfteqalersimasut kingusinaartumik paasineqartarneranik pissuteqarpoq.
kræfti pillugu KNR-Radiokkut aallakaatitassiaq "Inuuneq", aqagu arfininngornermi nalnaaqutaq sisamanut aallakaatinneqassaaq.